香港新浪網 MySinaBlog
« 上一篇 | 下一篇 »
最美麗的第七天 | 26th Jul 2019 | 一般 | (107 Reads)

財經老seafood公開教人用藤條打仔(香港人)……

智商超低的黑幫,隨即拉隊去元朗西鐵站幫人阿媽教仔,
開打前跟殺無赦主催者江湖握手。
元朗白屍暴打市民廝殺列車那一幕,蓋過西環那塊淘寶都有賣的國徽遭墨污的新聞。

香港人驚魂未定,心忖西環只是一批過期電池爬住入去朝見主任的鬼地方,牙斬斬嘴藐藐的葉劉贏了議席翌日坐七人車鬼祟進去找數的高級黑基地,塗污唔塗污,關普通人叉事!

元朗Yoho的中產住客唔同啊,沙田新城市廣場引狼入室後覺得還是元朗小確幸些。

721黑夜突爆,白屍群毆,無差別追殺市民至Yoho Mall。新地連續兩周出事,股價急挫,財經老海鮮禍從口出,元朗業主與新地小股東因為一個口痕的阿伯嬲到震,既然他已撤回打仔論,媽打爸打想藤條打佢個海鮮都唔得!

至於江湖握手的何君,一吹雞就成功搞出新界自由西!引起外媒對「邊境」的關注。

新城市廣場被市民詬病「引清兵入關」,何某曾豪言請解放軍執林鄭手尾,而湛江部隊已配合「暗示」。

警黑升級,軍黑成真,他這個大佬一棍造低哽咽奶媽做其「特族首」,元朗出身的鄧二哥拉埋飛×南做顧問提早坐正,律政司由西環契仔謝某出任。財爺搵689做,庫房有N個五千萬任佢洗!

地獄之門,因警黑而開!被打到爆缸史佛開花的香港人,無得退!

陳也